أقدم شاب على هتك عرض الطفلة “ش.ع” التي تبلغ من العمر 12 عامًا، واستغل أنها طفلة من ذوي الهمم، كما استغل المتهم صلة القرابة بينه وبين والدها وهتك عرضها داخل بيته في حظيرة المواشي بمنطقة أطفيح بالجيزة.
تفاصيل واقعة شاب يهتك عرض قريبته من ذوي الهمم بأطفيح
قالت الفتاة من ذوي الهمم المجني عليها في تحقيقات القضية رقم 6678 لسنة 2023 والمتهم فيها “إسلام.ش”، بهتك عرضها: “اللي حصل أن أنا كنت راجعة من البيت وقابلني إسلام ابن ستي زينب وقالي تعالي معايا على الحوش وبعدها قالي ادخلي الأوضة وبعد ما دخلت مسكني غصب عني وطلعني على السرير جيت أصوت راح كاتم بوقي وضربني على قفايا عشان اسكت ومصوتشي وأنا خوفت منه واعتدى عليا وأنا أحاول أصوت وهو كاتم نفسى وضربني على قفايا”.
وأضافت المجني عليها بالتحقيقات: “بعدها الباب بتاع الحوش خبط راح قالي البسي البنطلون وشوفي مين بيخبط طلعت وفتحت لقيت جوده قريبهم وقالي عمك إسلام فين قولتله جوه الحوش راح دخل على إسلام وإسلام عمل أنه “بياكل الدبش ” وبعدها قلي يلا روحي وامشي على بيتكم”.
واستكملت الفتاة: “أول ما طلعت من الحوش لقيت فيه وجع في بطني ومش عارفة أمشى من التعب وأول ما وصلت البيت وجيت اقعد معرفتش أقعد ورحت قولت لأبويا أنا مش عارفة أقعد وتعبانة وهو قالي فيكي إيه ورفع لبسي لقي دم قالي مين اللي عمل فيكي كده قولتله ابن ستي زينب اللي عمل فيا كدا”.
وواصلت الفتاة: “طلعنا على بيت ستي زينب وأبويا خبط راح إسلام طلعله قاله تعالى معايا البيت عايزك في موضوع وإسلام مشي معانا على بيتنا وأول ما وصلنا عمتي وقريبي خدوني على المستشفى عشان يشوفوا فيا إيه واتحجزت هناك وطلعت وأدوني علاج كتير وبعد ما خفيت روحت مع أبويا على النيابة”.
