الفنانة أميرة هاني تكشف تفاصيل تطاول سائق أوبر عليها

كشفت الفنانة أميرة هاني عن تعرضها للإهانة من جانب سائق بشركة “أوبر”، مساء أول أمس الثلاثاء، بعد أن تطاول عليها لمجرد سؤالها له على شات التطبيق عن الوقت المتبقي للوصول إليها.

الفنانة أميرة هاني تكشف تفاصيل تطاول سائق أوبر عليها

وأوضحت أميرة هاني، في مداخلة هاتفية، مع الإعلامية نهال طايل ببرنامج “تفاصيل” عبر فضائية “صدى البلد2″، قائلة: “أنا مبقحمش حياتي الخاصة أو مشاكلي الخاصة على السوشيال ميديا، لكن الراجل ده استفزني لدرجة كبيرة”.

وأضافت أميرة هاني: “إحنا عندنا ست بتساعدنا في أعمال البيت، وكل أسبوع بطلب لها أوبر بيجي ياخدها مشوار 10 دقائق وبياخد 50 جنيه، وبيوصلها لحتة تقدر تركب منها مواصلات، امبارح كان يوم غريب على الابلكيشن بتاع أوبر نفسه، لكني فوجئت أنه بيكنسل الرحلات، وفي واحد قبل الراجل ده قالي أنا تحت وأنا شايفاه على الـ GPS أنه مش تحت، وكلمته قالي كلام غريب ولغى الرحلة وعمل غرامة عليا”.

وأشارت أميرة هاني قائلة: “عملت رحلة بعدها وكانت مدياني 10 دقائق ويبقى عندي، وكلمته على الشات حضرتك إحنا عند بوابة كذا، حضرتك فين؟، مردش فطلبت منه إلغاء الرحلة أنت بقالك 10 دقائق في مكانك مابتتحركش، فهو قرر أنه يتطاول عليا ويهزقني، بعد 20 دقيقة والست واقفة”.

وقالت أميرة هاني، أنها تقدمت بشكوى لشركة “أوبر” بعد حدوث الواقعة الثلاثاء الماضي، وقام أحد الموظفين بالمتابعة معها صباح يوم الأربعاء، وطلب منها اخباره بما حدث من السائق، قائلة: “كلمني النهاردة الصبح، واحد من الشركة وقالي قولي لنا ايه اللي حصل بالظبط، فبعتله اسكرين شوت لأني مش محتاجة أحكي اللي حصل مردوش بقى”.

وتابعت الفنانة أميرة، “أنا بقول للشركة حرام عليكم ارحمونا من السواقين دول”، واستكملت حديثها: “حبيت أنزل بوست لقيت إن أوبر مصر أساسًا عامل مشاكل فأنا هحذف الابليكشن اللي مفيش عليه رقابة ده ولا علي السواقين و أكتفي بهذا البوست للشخص اللي تطاول عليا بدون سبب”

وطالبت أميرة هاني في نهاية المداخلة التليفونية، من شركة أوبر، أن تجري اختبار مخدرات للسائقين المنضمين لها، واختبار أخلاقهم أيضًا.