استعراض لشهادات عنف منزلي موثقة لنساء معنفات خاصة لـ “صوت”

في إطار حملة “السكوت مش علامة الرضا” التي أطلقتها مبادرة “صوت لدعم حقوق المرأة”، في ضوء حملة الـ 16 يومًا لمناهضة العنف ضد المرأة، والتي تهدف لتسليط الضوء على قضية العنف المنزلي والإقتصادي، نقوم باستعراض شهادات عنف منزلي موثقة لنساء معنفات، قاموا بمشاركة شهادتهم بشكل خاص مع “صوت”.

وتجدر الإشارة إلى أنه تم الحصول على موافقات من قبل أصحاب تلك الشهادات لنشرها.

استعراض لشهادات عنف منزلي موثقة لنساء معنفات خاصة لـ “صوت”

شهادة 1:

“لازم اتطلق ده هددني بالقتل وراح عندي الشغل ومعاه طبنجة مستلمها من شغله ..  مع الأسف إحنا في مجتمع ذكوري جدًا وموصلتش لحقي لحد دلوقتي”.. بهذه الكلمات عبرت صاحبة شهادة العنف المنزلي ما تعانيه مع زوجها، وأردفت قائلة:

“جوزي ضربني وأصابني بكسر في النتوء المستعرض للفقرات القطنيه و اتعمله جنحة ضرب لأني متعرضتش على الطب الشرعي وأخد حكم ٦ شهور  ومتنفذش الحكم، أنا معايا كل المستندات اللي بتثبت كلامي دة كمان طرد أولادي من شقة الزوجية لأنه خايف اني ابدد العفش وسرق ذهبي اللي كان موجود في الشقة أثناء فترة علاجي لأني كنت ملازمة للفراش لمدة شهر ونصف وهو دلوقتي مش عاوز يديني أي حاجة دة  بيقول أن في مقابل الطلاق لازم أتنازل عن كل حقوقي “.

شهادة 2:

“زوجي على علاقة بست تانية وبيجبها البيت وأنا نايمة.. أنا موافقة أشارك قصتي لو هتخلي الستات تاخد بالها من معاشرة الشخصيات النرجسيه وتدرك مدى الأذي اللي هيلحق بيها بسببه”.

استعرضت راويه  الواقعة  تفاصيل ما عانته من عنف منزلي مضاعف بسبب زواجها من رجل عربي الجنسية ورزقت بطفل من ذوي الاحتياجات الخاصة وقالت لـ”صوت”:

“بإختصار  أنا متجوزة  من رجل مش مصري من سنين  عندي منه  ولد وبنت والولد من أصحاب متلازمة الداون وأبوه رافضه  تماما  وبعد فترة قرر  ياخدني أنا  وأولاده الاتنين عشان يعطيهم الجنسيه  ولما وصلت اتفاجئت أنه على علاقة بست تانية وبيجيبها البيت الصبح وأنا نايمه ولما واجهته قال هو ده اللي عندي وبدأ كل يوم ضرب وبهدله وأنا دلوقتي قاعدة لوحدي مع أولادي و أهلي بيحولولي فلوس من مصر عشان أقدر أعيش  لكن أنا معنديش إقامة ولا معايا جواز سفر”.