شائعات وحقائق عن عادات أثناء الدورة الشهرية

✖ “لما تبقي عندك الدورة ميصحّيش تغسلي جسمك وشعرك بالمية”

✓ ده كلام غير صحيح علميًا المياه والصابون مش بيأثروا على الدورة ولا بيخلّوا الدم يزيد أو يقل بالعكس ولا شعرك يقع الاستحمام بيريح عضلات البطن ويقلل التقلصات

شائعة 2: 

✖ “ما ينفعش تلعبي رياضة أو تسبحي وقت الدورة”

✓ مفيش أي مانع طبي! السباحة والرياضة معتدلة مفيدة جدًا لتخفيف الألم وتحسين الدورة الدموية بس طبّقي شروط النظافة و استخدمي ادوات سباحة مناسبة كل ما عليكِ فعله هو استخدام التامبون واستبداله بتامبون جديد بعد السباحة مباشرةً واغسّلي مكان الدورة علطول

شائعه 3: 

✖  “الأكل الحار بيزود الدم”

✓ الأكل الحار ملوش تأثير مباشر على كمية الدم أو مدة الدورة اللي بيحصل أحيانًا هو انبساط الأوعية الدموية فتحسي بحرارة أو عرق اكتر بس ده مالوش تأثير زيادة في كمية الدم

شائعه 4 : 

✖ “استخدمي نفس الفوطة طول اليوم عادي!”

✓  لازم تغيري الفوطة كل  4 لـ 6 ساعات عشان تمنعي الالتهابات والروائح وتحمي جسمك من إنك أحيانًا ممكن تصابي بالأمراض الجلدية والجنسية أحيانًا

شائعه 5: 

✖ حاجة كلنا بنسمعها “البنت لازم تخبي إنها عندها دورة!”

ليه؟ الدورة الشهرية حاجة طبيعية ومش عيب نتكلم عنها!  نشر الوعي هيساعد في كسر حاجز الصمت وفهم الحياة بشكل صح